VOV4.Jarai-Mơguah anai, hrơi dua, lơ 17/8, ƀơi sang jơnum prong khua pơ ala mơnuih ƀôn sang dêh čar, pơphun jơnum lok 2 Jơnum min git gai pơ ala mơnuih ƀôn sang dêh čar. Pơphun jơnum amăng dua hrơi, jơnum lok anai, Jơnum min git gai pơ ala mơnuih ƀôn sang dêh čar pơgôp hiăp amăng 4 mơta bruă prong, amăng anun pơčrông sai prăp lui jơnum lok 2, tal 15.

Ƀơi mông jơnum anai, Jơnum min git gai pơ ala mơnuih ƀôn sang dêh čar pơgôp hiăp kơ hră lăi pơthâo mơ̆ng Kơnuk kơna kơ tơlơi pơhing ngă tui hơdră, tơlơi phiăn pơtrun kơ bruă pơhlôm nua bruă mơnuih mơnam,wai lăng hăng mă yua keh prăk pơhlôm nua bruă mơnuih mơnam thun 2020; sem glăi, pơssit kơ hơdră mă bruă, tơhnal pơkkă laih anun rơnoh prăk pơkă tuh pơ alin mă yua prăk kơnuk kơna amăng thun 2022.

Ƀơi mông jơnum, Jơnum min git gai pơ ala mơnuih ƀôn sang dêh čar pơƀut boh yôm phun jơnum lok 1 tal 15 laih anun pơgôp hiăp prăp lui jơnum lok 2, tal 15; pơgôp hiăp hră pơtrun ngă tơlơi phiănmă bruă ba gru hlâo kơ Khul wai lăng djuai ania, djop jơnum min mơ̆ng anom bruă khua pơ ala mơnuih ƀôn sang dêh čar; sem lăng, pơtrun bruă akŏ pơdong, lui hĭ anom bruă tơhan ĕp kơđi tơlơi soh gưl kual hăng anom bruă bơkơnar, anom bruă tơhan ĕp kơđi tơlơi soh amăng kual gah ling tơhan wai lăng…

Nay Jek: Pơblang