VOV4.Jarai - Lăi lĕ bôh tơhnal pel ĕp, pơkă kual 3 djuai dlai klô amăng Tơlơi pơtrun pơsit 100 mơng Khul pơ ala mơnuih ƀôn sang lơ 7/12/2017 (rơwang bruă mơng thun 2019-2020) hlêh hloh soh hĭ, ƀu djơ̆ hăng hơdră pơtrun pơđĭ kyar bơwih ƀong – mơnuih mơnam mơng tơring čar, Jơnum min mơnuih ƀôn sang tơring čar Gialai lăi pơthâo kơ Tal jơnum lok 2, Khul pơ ala mơnuih ƀôn sang tơring čar Gialai rơwang bruă phrâo (2021-2026) pel ĕp, hluai tui bôh tơhnal pel ĕp glăi, pơplih pơkra pơkă kual, dlai klô rơwang 2025, tơhnal lăng nao truh thun 2030. Kiăo tui anun, gah abih bang, kual pơkă dlai klô mơng Gialai hrŏ trun 18.000 ektar. Lăp đing nao, lŏn dlai bơwih ƀong dưi rơkâo pơhrua nao rơbêh kơ 32 rơbâo ektar hăng ba rơbêh kơ 44 rơbâo ektar tơbiă mơng kual pơkă, biă ñu gah Rơwang bruă hnoh ia Ia Mơr (tơring glông Čư̆ Prông), hnoh ia Ia Thul (tơring glông Ia Pa hăng Krông Pa) hăng hơdôm rơwang bruă kah hăng pơkă kual pơkĕ apui yua, anih anom mă yua ngă pơhư̆č tuh pơplai, tuai čuă ngui... Tơdơi kơ dưi pơkra glăi, lŏn dlai pioh bơwih ƀong hrŏ trun rơbêh kơ 47.200 ektar./.

Siu H’ Prăk: Pô pơblang