VOV4.Jarai -  Anom kơsem min klin ruă dêh čar ta phrâo hmâo tơlơi pơsit pơpha 8 klăk liều vaccine Vero Cell mơng Sang bruă Sinopham dêh čar Khač kơ 25 bôh tơring čar, ƀôn prong amăng đơ đam dêh čar. Anai lĕ tal pơpha vaccine tal 43 mơng Ding jum ia jrao. Hà Nội lĕ anih anom dưi pơpha lu hloh hăng mrô 1.359 klăk liều, amăng abih bang mrô 8 klăk liều vaccine Vero Cell, dŏng tal 2 lĕ Quảng Ninh hăng rơbêh kơ 700.000 liều. Tơring čar Lạng Sơn, ƀôh prong Hải Phòng, Yên Bái hăng ƀôn prong Hồ Chí Minh, rim tơring čar, ƀôn prong dưi pơha 500.000 liều. Bắc Ninh 400.000 liều; Khánh Hòa, Kiên Giang rim tơring čar 300.000 liều; hơdôm tơring čar Bắc Giang, Nam Định, Thanh Hoá, Nghệ An, Quảng Trị, Bình Định, Long An, Đồng Tháp, Lâm Đồng, Tây Ninh... dưi pha brơi rim tơring čar, ƀôn prong 200.000 liều. Anom kơsem min klin ruă dêh čar ta rơkâo Anom bruă Jơlan hơdră tlâ̆o pơgang dêh čar ta gum hrom kiăng ba vaccine kơ Anom bruă Tlâ̆o pơgang pơhư prong tui kual. Anom wai lăng klin ruă hơdôm bôh tơring čar, ƀôn prong pơphun tlâ̆o pơgang mơtăm mrô vaccine Vero Cell COVID-19 dưi pơpha brơi amăng anun hmâo wot tlâ̆o ară tal sa hăng ară tal 2./.

Siu H’ Prăk: Pô pơblang