VOV4.Jarai -Mơguah (12/8), Khul pơlir hlăk ai Việt Nam sit nik pơphun 65 hrơi pơplông  pioh hơdor glăi 65 thun hrơi gru grua Khul pơlir hơbit hlăk ai Việt Nam (15/8). Yua glăk pơčlah mơnuih mơnam tui tơlơi črâo trun mrô 16 mơng Khua dêh čar, bruă pơphun hơmâo lăng tui amăng clip pơdah amăng plang mơnuih mơnam hăng hơmâo pơdah brơi abih bang mơnuih ƀon sang. Tui hăng Khua git gai tal sa Khul hlăk ai, Khul pơlir hơbit hlăk ai Việt Nam Nguyễn Anh Tuấn, tal pơplông anai pơphun amăng hrơi blan tơnap tap, yua anun, amra pơhưč ƀiă mơnuih, hlăk ai hăng hơdôm tơlơi iâu pơthưr hơdôm rơbăn čô hlăk ai mut hrŏm. Samơ̆ anai lĕ bruă mă lăp djơ̆, yôm phăn hăng kiăng kơ pơtă pơtăn ƀing ta anăm pơtah tai, gơgrong amăng bruă pơgang klin Covid-19, pơtă rĭm hlăk ai, ding kơna gum tơngan hrŏm hăng lŏn ia ƀu pơdơi gir run ôh pơ anăp anai, kiăng kơ gum hrŏm ba lŏn ia ta hơdip tui hơđăp.

Siu Đoan: Pơblang