VOV4.Jarai - Mơguah lơ 15/7, ƀơi Hà Nội, Khul hlăk ai mut phung rơnuk Hồ Chí Minh, Khul pơlir hơbit hlăk ai Việt Nam hăng Kông ti pơčruih ngă grup Yeah1 pơphun jơlan hơdră pơhrŏ nua blơi gơnam juăt yua brơi ƀing hlăk ai ngă kông nhơn hăng mơnuih ƀon sang. Tui hăng kĭ pơkôl amăng jơlan hơdră anai, hlăk ai ngă kông nhơn, mơnuih mă bruă tơkai tơngan, mơnuih ƀon sang tơnap tap yua bơbeč mơng klin Covid-19 lơ̆m blơi gơnam amăng App blơi gơnam MEGA1 ƀudah hơdôm gơnam ba hyu sĭ mơng Jơlan hơdră “Djru khăp pap, gum tơngan pơgang hĭ klin” amra hơmâo hơdôm anom bơwih ƀong sĭ mơdrô gum hrŏm amăng jơlan hơdră pơhrŏ trun nua gơnam dŏ 50%. Jơlan hơdră pok pơhai mơng anai trun blan 6/2022, rơbêh 63 boh tơring čar, ƀôn prong, đing nao hơdôm tơring čar, ƀôn prong glăk bưp tơnap tap yua kơ klin Covid-19 ngă. Bruă pok pơhai jơlan hơdră ăt pơgôp ngă ha amăng plĕ pơgang klin rua, pơđĭ kyar bơwih ƀong sĭ mơdrô kiăng hơkrŭ glăi tơlơi bơwih ƀong huă sĭ mơdrô rah.

Siu Đoan: Pơblang