VOV4.Jarai - Tlam lơ 6/10, Jơnum Khua ding jum pơtom hiăp ASEAN kơ tơlơi rơnuk rơnua plang internet tal 6 (AMCC-6) yua dêh čar Singapore pơphun lăng nao rai amăng tivi sit nik pơphun jơnum. Grup khua mua mơng Việt Nam yua Trung tướng Lương Tam Quang, Kơ-iăng khua Ding jum Kông ang nao pơhmư̆ ƀơi Hà Nội. Rơwang hrơi tơjuh Rơnuk rơnua plang internet jar kmar tal 6 (SICW-6) hăng Jơnum khua ding jum pơtom hiăp ASEAN kơ Tơlơi rơnuk rơnua plang internet tal 6 AMCC-6 jing tơlơi jơnum rim thun laih yua Singapore pơphun kiăng pơhmư̆ nao rai tơlơi thâo rơgơi ngă bruă, hmư̆ tơlơi pơhing gah internet ƀơi rŏng lŏn tơnah hăng amăng kual ASEAN. Tơlơi hơmâo lăi nao mơng Rơwang hrơi tơjuh rơnuk rơnua plang internet jar kmar thun anai lĕ “Hơdip hrŏm hăng Covid-19 - pơtŏng glăi tơlơi lông hăng tơlơi gêh gal kơ rơnuk rơnua boh thâo măi mok mrô” đah mơng bơkơtuai bruă ngă hrŏm mơng hơdôm boh dêh čar, anom bơwih ƀong, mơneč mă hơdôm tơlơi gêh gal boh thâo kĭ thuâ̆t mrô aka ƀu hơmâo djơ̆ ôh mơng hrơi aka ƀu hơmâo klin hăng pơgăn glăi djŏp tơlơi pơhŭi ƀơi plang interet jai hrơi lu tui , đah mơng pơhlôm rơnuk rơnua hăng tơlơi đĭ kyar kơjăp mơng plang internet.

Siu H’Mai: Pơblang