VOV4.Jarai - Mơguah hrơi anai lơ 31/12, Jơnum khua mua tal 11 Khul mơnuih čih hră pơhing phrâo Việt Nam (rơwang thun 2020-2025) sit nik hơmâo pơphun. Rơbêh 550 čô khua, pơ ala kơ rơbêh 27 rơbâo mơnuih amăng khul mơng 63 khul čih hră pơhing tơring čar, ƀon prong, 19 grup hăng 200 grup yua Gơnong dlông wai lăng nao pơhmư̆ mông Jơnum. Hlâo kơ anun, amăng mông jơnum prăp lui hlâo, Khua Khul mơnuih čih hră pơhing phrâo Việt Nam Lê Quốc Minh kiăng ƀing khua pơtrut tui tơlơi dưi mơnuih ƀon sang nao hrŏm hăng tơlơi gơgrong bruă, ngă tui tơlơi phiăn amăng bruă bơkơtuai, amăng bruă ruah khua. Hơdôm tơlơi hơmâo bơkơtuai ƀơi mông jơnum hăng hơdôm bruă mă, hơdră pơsir bruă yua mông jơnum ba tơbiă amra yôm biă, gum pơtrut tui bruă čih hră pơhing hơkrŭ Việt Nam pơđĭ kyar tui rơnuk phrâo, rơguăt bruă, klă hiam, mut hrŏm hăng hră pơhing amăng kual hăng ƀơi rŏng lŏn tơnah, hla tui hơdôm tơlơi klă hiam, tơlơi rơgơi mơng rŏng lŏn tơnah lăp djơ̆ hăng gru grua djuai ania Việt Nam.

Siu H’Mai: Pơblang