VOV4.Jarai - Mơguah lơ 17/6, Jơnum min pơ ala mơnuih ƀon sang tơring čar tal 11 hơmâo pơphun jơnum lok 21. Ƀơi mông jơnum anai, Jơnum min pơ ala mơnuih ƀon sang tơring čar Gia Lai sem lăng, pơsit bruă tuh pơ alin 83 kơčăo bruă yua Jơnum min mơnuih ƀon sang tơring čar pơdah pơƀuh. Anai lĕ kơčăo bruă yôm biă mă, sa, dua kơčăo bruă amra jing anŏ hmư̆ hing, ring bruă phun, yôm hloh či pơđĭ kyar anih anom, boh thâo phrâo mơng tơring čar, lu kơčăo bruă amra bơdjơ̆ nao prong kơ tơlơi bơwih ƀong - mơnuih mơnam mơng tơring čar rơwang thun 2021-2025 hăng hơdôm thun tŏ tui. Pơhiăp pơphun mông jơnum, Khua Jơnum min mơnuih ƀon sang tơring čar Gia Lai rơkâo ƀing khua amăng Jơnum min pơ ala mơnuih ƀon sang tơring čar, ƀing khua nao pơhmư̆ sem lăng tŏng ten, tơpă ară pơgôp hiăp, pơƀut lăi nao hơdôm bruă yôm hăng rim tơlơi hơmâo ba pơƀuh, kiăng Jơnum min pơ ala mơnuih ƀon sang tơring čar pơsit jơlan hơdră ngă bruă lăp djơ̆, tŭ yua, mă yua klă prăk tuh pơ alin pơkra ring bruă kơnuk kơna rơwang thun 2021-2025 yua tơlơi đĭ kyar mơng tơring čar”.

Siu H’Mai: Pơblang