VOV4.Jarai - Mơguah anai (18/6) ƀơi Hà Nội, Ding jum đang hmua hăng pơđĭ kyar ƀôn lan dêh čar ta hăng Ding jum pôr pơhing gum hrom git gai Jơnum lăng nao rai amăng tivi đơ đam dêh čar ta kơ “Pơplih mrô amăng bruă đang hmua hăng pơđĭ kyar plơi pla”. Tui hăng Tơlơi pơsit mơng Khua dêh čar kơ Jơlan hơdră pơplih mrô lŏn ia truh thun 2025, pơsit jơlan gah truh thun 2030, pơplih mrô amăng bruă đang hmua kiăng pơjing anih anom, đang hmua mrô ngă phun than, pơčeh phrâo hơdră, pơtrut pơplih mơng “Ngă rai gơnam mơng đang hmua” hơdai nao “Bơwih ƀong đang hmua”; pơđĭ kyar bruă đang hmua tui hơdră phrâo tui jơlan gah đing nao bruă đang hmua pơplih phrâo, đang hmua lăp djơ̆, đĭ tui mrô gơnam mă mơng đang hmua ngă tui hơdră măi mok phrâo mrô amăng bruă bơwih ƀong. Tui Jơlan hơdră pơplih mrô lŏn ia mơng Việt Nam, bruă đang hmua dưi pơsit lĕ sa amăng 8 mơta bruă đing nao pơplih mrô. Kiăng pơplih mrô truh kih amăng bruă đang hmua, khom mă yua hơdră phrâo amăng rim bruă ngă đang hmua, pơkra gơnam tam, răk pioh, dŭ pơgiăng, sĭ mơdrô./.

Siu H’ Prăk: Pô pơblang