VOV4.Jarai - Jơnum “Pơplih phrâo pơčeh phrâo: Pơtruh nao rai tơlơi djru hăng anom bơwih ƀong Việt Nam” yua Hră pơhing Bơwih ƀong huă hăng Lăi pơthâo hlâo mơng Ding jum Dưm dăp bruă mă hăng Tuh pơ plai pơphun mơguah lơ 15/12 ƀơi Hà Nội. Ƀơi mông jơnum, ƀing kơhnâo pơtŏng glăi: Thun 2020, Mrô pơplih phrâo mơng Việt Nam dong mrô 42/131 boh dêh čar hăng kual lŏn, pơplih klă mơn lơ̆m đĭ 10 mrô dong mơng thun 2015 hăng dong mrô sa amăng grup 29 boh dêh čar hơmâo prăk pơhrui dưm kơnar. Thun 2021, Việt Nam dong mrô 44 tơdơi kơ Anom bruă pơgang ba tơlơi rơgơi rŏng lŏn tơnah čih pioh amăng mrô GDP tui tơlơi jŭ yap phrâo mơng Việt Nam. Mah dưi ngă lu tơlơi hiam laih, samơ̆ tơlơi pơčeh phrâo mơng dêh čar ta hơmâo ƀiă đôč. Ƀing khua lăi: Anom bơwih ƀong glăk kơƀah tơlơi hmư̆ hing gah tơlơi djru ngă bruă, tơlơi djru mơng Kơnuk kơna kơ bruă pơčeh phrâo, yua hnun aka ƀu mă yua abih tơlơi gêh gal amăng bruă pơtrut pơčeh phrâo tơlơi rơgơi.

Siu H’Mai: Pơblang