VOV4.Jarai-Tơlơi pơhing mơ̆ng Kông ty apui lơtrik Dak Lak, hrơi blan giăm anai, anom bruă krăo lăng djru ba ană plơi yua apui lơtrik mơ̆ng Phun kông ty apui lơtrik kual Tong krah, hơmâo tŭ mă hiăp iâu telephôn 9 wơ̆t mơ̆ng mơnuih yua apui lơtrik, lăi pơthâo gơñu arăng plư lăi nao mă prăk apui lơtrik, tui hăng mrô telephôn djă hyu.

Anom mă bruă djru ană plơi pla apah yua apui lơtrik kual Tong krah

Ƀơi Dak Lak, hơmâo laih mơnuih pơhiăp telephôn tư̆ hnưh prăk apah yua apui lơtrik truh kơ 50 klăk prăk, lăi yua apui lơtrik răm pơkĕ gah klôn mông kông tơr pơdar apui lơtrik, pơhŭi kơ pô yua apui lơtrik anun tơdah ƀu gưt duh prăk lĕ pơthăm apui lơtrik. Giong ĕp lăng tong ten, thâo krăn anai jing ƀing soh sat plư ană plơi, ngă mă ƀing mă bruă anom bruă apui lơtrik, kiăng mă prăk mơnuih ƀôn sang.

Yua kơ anun, anom bruă apui lơtrik pơtă pơtăn khom kơđiăng anăm lê̆ luh arăng plư hŭi rơngiă prăk soh sel. Tơdah hơmâo tơlơi arăng iâu telephôn lăi mă prăk, kiăng huăi gơñu plư, khom iâu telephôn kơ anom phun bruă apui lơtrik mrô 19001909 pơsir mơtam. Mơnuih ƀôn sang tŭ mă tơlơi pơhing mơ-it hăng SMS, email, website sang bruă apui lơtrik, mrô telephôn 19001909; laih anun anăm tla ôh prăk hăng hơdră pơkŏn kơ mơnuih ƀu djơ̆ mă bruă amăng sang bruă apui lơtrik ƀudah mơ-it prăk kơ mơnuih pô ta aka ƀu thâo tong ten tơlơi pơhing.

Nay Jek: Pơblang