VOV4.Jarai-Pơkă hnong abih bang pơđĭ kyar tơdrun kompăn ia rơsĭ Việt Nam mơ̆ng thun 2021-2030 laih anun lăng nao truh thun 2050 phrâo hơmâo Ding jum wai lăng jơlan glông hăng pơdŭ pơgiăng dêh čar pơphun lăi pơthâo tlam lơ 7/10.

Anai lĕ, Akŏ bruă pơkă hnong dưi hơmâo Khua dêh čar pơsit brơi lơ 22/9/2021, biă mă ñu hơmâo boh tŭ yua yôm pơđĭ kyar bơwih ƀong huă-mơnuih mơnam. Akŏ bruă pơkă hnong abih bang tơdrun kompăn ia rơsĭ, jing sa črăn mơ̆ng bruă man pơkra glông bruă pơdŭ pơgiăng amăng ia rơsĭ, lir hơbit hăng bơwih ƀong huă mơnuih mơnam, sa amăng klâo črăn pơphun ngă bruă prong tui hră pơtrun jơnum ruah khua ping gah dêh čar tal XIII, kiăng đing nao kơ bruă tuh pơ alin pơđĭ kyar sa hnong, ngă phrâo.

Rơnoh prăk pơđĭ kyar tơdrun kompăn ia rơsĭ tal anai, jak iâu tuh pơ alin mơ̆ng gah rơngiao prăk kơnuk kơna truh kơ 95% amăng rơnoh 313 rơbâo klai prăk, rơnoh prăk kiăng tuh pơ alin man pơkra tơdrun kompăn ia rơsĭ.

Nay Jek: Pơblang