VOV4.Jarai-Mơguah: Khua mua apăn bruă ping gah mă bruă ƀơi sang jơnum prong bơkơtuai kơ Hră lăi pơthâo boh tơhnal 5 thun ngă tui Hră pơtrun mrô 04-NQ/TW, lơ 30/10/2016 mơ̆ng Khua mua apăn bruă Ping gah dêh čar tal XII kơtưn akŏ pơdong, ƀư̆ pơkra glăi Ping gah; pơgăn, pơtrut đuăi tơlơi răm ƀăm amăng tơlơi pơmin pran jua kơđi čar, tơlơi dŏ dong ƀong huă, hơdôm tơlơi pơƀuh pơblih mă pô, pơblih tơlơi pơmin amăng ping gah; Tơlơi pơkă hơdôm bruă mơnuih ping gah ƀu dưi ngă.

Ơi Võ Văn Thưởng, ding kơna ding jum kơđi čar, khua gum bruă git gai ping gah dêh čar, pơ ala kơ Ding jum kơđi čar git gai mông bơkơtuai. Či tlam: Khua mua apăn bruă ping gah dêh čar kơsem min hră pơar lăi pơthâo. Ding jum kơđi čar jơnum brơi pơgôp hiăp kơ bruă čih pioh, lăi pơthâo hơdôm boh yôm phun bơkơtuai mơ̆ng Gơnong dlông: Hră lăi pơthâo 5 thun ngă tui Hră pơtrun mrô 04-NQ/TW, lơ 30/10/2016 mơ̆ng Khua mua apăn bruă ping gah dêh čar tal XII kơtưn akŏ pơdong, ƀư̆ pơkra glăi Ping gah; pơgăn, pơtrut đuăi tơlơi răm ƀăm amăng tơlơi pơmin kơđi čar, pran jua tơlơi dŏ dong ƀong huă, hơdôm bruă ngă pơƀuh pơblih mă pô, pơblih amăng ping gah. Tơlơi pơkă hơdôm bruă mơnuih ping gah ƀu dưi ngă.

Nay Jek: Pơblang