VOV4.Jarai - Ƀơi Hà Nội, Ding jum đang hmua hăng pơđĭ kyar ƀôn lan dêh čar pơphun jơnum hăng hơdôm ding jum, gơnong bruă jơlan gah pơtlaih tơlơi gun amăng bruă dŭ pơgiăng gơnam mă mơng đang hmua nao pơ̆ bah amăng guai lŏn ia hăng ba hyu gơnam tam kơplah wah hơdôm bôh tơring čar. Amăng mông jơnum, ƀing khua pơ ala lăi lĕ, yua giăm pơphun pơhrui bôh vải thiều, kiăng pơtrut kơtang bruă blơi sĭ amăng lŏn ia, biă ñu gah dơnung dêh čar, hơdôm ding jum, gơnong bruă hăng tơring čar, ƀôn prong khom ngă gal brơi klă hloh kơ bruă bơwih ƀong, sĭ mơdrô, ba hyu sĭ gơnam tam; kơtưn djru anom bơwih ƀong sĭ mơdrô pơhrui blơi, wai lăng klin tañ kiăng ba nao sĭ kơ dêh čar tač rơngiao ăt kah hăng sĭ amăng lŏn ia ta. Hlâo kơ anun, Khul hlăk ai hơdôm bôh ƀirô tơring čar Thái Nguyên ăt pơphun tŭ mă mơn hăng djru blơi 27 tơn tơmun mơkai djru mơnuih pla tơmun tơring čar Bắc Giang./.

Siu H’ Prăk: Pô pơblang