VOV4.Jarai - Amăng hrơi pơdơi hơdor glăi hrơi akŏ pơjing kơnuk kơna lơ 2/9, pơdơi amăng 4 hrơi, amun ngă ƀă klin biă, kơđiăng mơng hrơi pơdơi kơ 30/4 phrâo rơgao, Khua dêh čar ngă hră git gai Khua Jơnum min mơnuih ƀon sang hơdôm boh tơring čar, ƀon prong pơtrut tui pran jua gơgrong bruă yua tơlơi suaih pral kơ abih bang, yua tơlơi hodwip mơng ană mơnuih; git gai, črâo bruă hăng ngă tui klă djŏp tơlơi pơtrun, khut khăt pơgang klin tŭ yua amăng plơi pla. Biă ñu, hăng tơring čar glăk brơi pơčlah mơnuih mơnam, khŏm ngă klă hloh, khut khăt hloh bruă brơi pơčlah tui tơlơi pơmin “hlơi dŏ pơpă lĕ dŏ hơnong ƀơi anun”; khut khăt ƀu brơi tum pơƀut lu mơnuih, ƀu brơi mơnuih ƀon sang tơbiă hyu gah rơngiao amăng hrơi pơdơi prong lơ 2/9; phăk pô ngă soh kơ bruă pơgang klin. Pơphun klă bruă pơhlôm djru brơi mơnuih ƀon sang tơnap tap, rơnuk rơnua hơđong kơjăp mơnuih mơnam kiăng mơnuih ƀon sang thâo pơmin mă pô, hơđong pran djru pơgang klin. Ƀu dưi brơi kơƀah gơnam yua ôh, pơhlôm hơmâo yua ia jrao tañ, mơng ataih, mơng plơi pla amăng hrơi pơdơi hăng hơmâo abih bang mơnuih krăp lăng.

Siu H’Mai: Pơblang