VOV4.Jarai-Khua tơhan sơlup hăng anom bruă mơnuih tơpuôl Việt Nam phrâo kĭ hră ngă hrom pơtô pơblang kơ bul pơtâo ia rơsĭ mơ̆ng thun 2021-2026. Hơdôm thun rơgao, Anom bruă mơnuih tơpuôl Việt Nam hăng Khua tơhan sơlup dêh čar ngă hrom, pơphun lu bruă mă hiam klă, tŭ yua anăp nao pơ kual ia rơsĭ, bul pơtâo plao ia rơsĭ dêh čar; pơphun lu khul grup mơnuih nao čuă, pơtrut pran jua ling tơhan pơ ia rơsĭ, dŏ amăng plao ia rơsĭ, juh alum pơtrut pran jua khua tơhan, mơnuih ƀôn sang plơi pla amăng plao ia rơsĭ Trường Sa.

Anom bruă mơnuih tơpuôl jak iâu, mơnuih mut phung, mơnuih mă bruă, djru Keh prăk Ia rơsĭ dêh čar; ƀơk gơnam kơ khua mua, ling tơhan dŏ mă bruă pơ bul pơtâo ia rơsĭ Trường Sa kah hăng anŏ ngă kjăp tơlơi khăp pơpŭ nao rai mơ̆ng mơnuih mă bruă hăng tơhan ia rơsĭ plao ia rơsĭ Trường Sa, sa črăn ƀu phara ôh hăng tơhan ia rơsĭ mơnuih ƀôn sang Việt Nam. Hơdră ngă  hrom mơ̆ng thun 2021-2026 hơmâo 6 bruă mă phun. Amăng anun, pơtum nao bruă mă  amăng kual ia rơsĭ, bul pơtâo ia rơsĭ Việt Nam; pơphun jak iâu mơnuih ƀôn sang amăng dêh čar hăng mơnuih ƀôn sang dŏ pơ tač rơngiao anăp nao pơ bul plao ia rơsĭ, djru hrom ling tơhan mơnuih ƀôn sang amăng tơring glông bul ia rơsĭ Trường Sa hăng Sang khuer mă ia jâo DK1….

Nay Jek: Pơblang