VOV4.Jarai - Tlam lơ 26/7, ƀơi Hà Nội, Trung tướng Lương Tam Quang, Kơ-iăng khua Ding jum kông an čơkă ơi Christopher Klein, Pô pơ ala kơ dêh čar Mi ƀơi Việt Nam. Ƀơi mông bưp, Kơ-iăng khua Ding jum ơi Lương Tam Quang bơni kơ ơi Christopher Klein hăng Sang anih jưh pơ ala dêh čar Mi ƀơi Việt Nam amăng hrơi blan rơgao hơmâo lu tơlơi gum pơgôp klă, pơtrut đĭ tơlơi ngă hrŏm abih bang Việt Nam - Mi, ăt kah hăng ngă hrŏm kơplah wah Ding jum kông ang Việt Nam hăng hơdôm anom bruă ngă hrŏm dêh čar Mi pơđĭ kyar hiam, dlăm, tŭ yua hăng sit nik. Pơdah pran jua đăo gơnang tơlơi ngă hrŏm dua bơnah, amăng anun hơmâo ngă hrŏm kơplah wah anom bruă wai lăng rơnuk rơnua, tơhan polih dua boh dêh čar jai hrơi kơjăp phik; pơsit, Ding jum kông ang Việt Nam amra pơtom hiăp nao rai, ngă hrŏm kơjăp hăng ƀing khua anih jưh dêh čar Mi ƀơi Việt Nam bơwih brơi tơlơi hiam klă mơng dua bơnah, gum pơsir, ngă plai ƀiă tơlơi phara, pleh ploh amăng tơlơi ngă hrŏm, hơkrŭ đĭ tơlơi đăo gơnang, ba tơlơi ngă hrŏm dua bơnah jai hrơi dlăm tui.

Siu H’Mai: Pơblang