VOV4.Jarai - Yua klin Covid-19 ngă, bruă blơi sĭ gơnam hăng dêh čar tač rơngiao amăng blan 7 anai ƀu đĭ đơi ôh. Prăk pơhrui mơng blơi sĭ gơnam blan 7 phrâo rơgao him lăng hơmâo 55 klai 700 klăk dolar Mi, đĭ mă 1,5% đôč pơhmu hăng blan hlâo. Samơ̆ yap abih 7 blan thun 2021, prăk pơhrui glăi mơng gơnam tam sĭ kơ tač rơngiao ăt đĭ mơn (đĭ 30,2% pơhmu hăng tơđar thun hlâo). Sa amăng hơdôm hơdră bruă hơmâo Ding jum tuh tia pơkra gơnam lăi lu amăng hơdôm blan rơnuč thun lĕ pơtrut bruă sĭ gơnam kơ tač rơngiao, hơdư̆ ƀiă bruă blơi gơnam, tŭ mă tơlơi gêh gal mơng FTA kiăng ĕp hơdră pơđĭ kyar anih sĭ mơdrô hăng pơsir brơi tơlơi ngă gun či mut nao pơ anih sĭ mơdrô phrâo. Pơplih ming hăng pok prong anih ba sĭ gơnam, tŭ mă tơlơi gêh gal mơng Hră pơkôl sĭ mơdrô rơngai FTA hơmâo kĭ; blơi sĭ gơnam ƀơi lu dêh čar.

Siu H’Mai: Pơblang