VOV4.Jarai - Lơ 5/11, Khul khua pơ ala mơnuih ƀon sang tơring čar Dak Lăk ngă hră pơtrun kơ bruă ƀu mă prăk hrăm hră rơwang hrăm tal 1 thun 2021-2022. Tơlơi pơtrun hơmâo Khua mua pơ ala mơnuih ƀon sang tơring čar Dak Lăk pơtrun kiăng plai ƀiă ngă tơnap kơ mơnuih ƀon sang amăng mông hơmâo klin Covid-19. Tui anun, tơring čar ƀu mă prăk hrăm hră rơwang 1 thun hrăm 2021-2022 mơng blan 9 truh abih blan 12/2021 hăng ƀing čơđai anih muai, čơđai sang hră gưl prong, čơđai sang hră hrăm giáo dục thường xuyên tui jơlan hơdră pơtô hrăm ƀơi tơring čar. Prăk hrăm hră mă mơng prăk kơnuk kơna, brơi pơhrua tui na nao prăk pioh pơtô hrăm amăng rơwang 1 thun hrăm 2021-2022 kơ hơdôm anom bruă pơtô hrăm kơnuk kơna pơdong, tui prăk pơkă glăk ngă ră anai. Tơlơi pơtrun ăt pơsur hơdôm boh sang hră muai, gưl prong mơnuih ƀon sang pơdong mă pô hơmâo hơdră djru brơi mơn kơ rơwang 1 thun hrăm 2021-2022.

Siu H’Mai: Pơblang