VOV4.Jarai - Kơ-iăng khua dêh čar ơi Lê Minh Khải, Khua anom bruă git gai pơplih phrâo pơđĭ kyar tơlơi bơwih ƀong ngă hrŏm phrâo čih pơkra akŏ bruă klah čun 10 thun ngă tui Tơlơi phiăn Ngă ƀong hrŏm thun 2012. Tơlơi kiăng lĕ tum pơƀut, lăng glăi hơdôm tơlơi dưi ngă, aka ƀu dưi ngă, mơng anun kơđiăng lui amăng bruă hla tui tơlơi phiăn ngă ƀong hrŏm thun 2012; rơkâo đĭ hơdră pơsir tơlơi ngă tơnap, dŏ gun kiăng pơđĭ tui anŏ klă, tŭ yua amăng bruă wai lăng kơnuk kơna kơ bơwih ƀong hrŏm, rơkâo kơ Kơnuk kơna, Khua pơ ala mơnuih ƀon sang dêh čar pơplih pơkra, pơhrua tui Tơlơi phiăn Ngă ƀong hrŏm hăng ngă pơgông hră pơ-ar djơ̆ hăng tơlơi kiăng pơđĭ kyar bơwih ƀong huă ngă hrŏm. Rơngiao kơ anun, pơtong glăi hơdôm tơlơi dưi ngă, hơdôm tơlơi aka ƀu dưi, aka ƀu djơ̆ hrŏm mơng Tơlơi phiăn ngă ƀong hrŏm thun 2012, thâo krăn tơhnal ngă tơnap, kơđiăng lui tơlơi dưi ngă, hơmâo hơdră pơsir tơlơi tơnap, pơtrut tui hơdôm tơlơi dưi ngă, ngă klă hloh tơlơi phiăn ngă ƀong hrŏm.

Siu H’Mai: Pơblang