VOV4.Jarai - Čơtlăm lơ 24/6, Khua Grŭp bơwih ƀong dêh čar ta ơi Trần Tuấn Anh hmâo mă bruă laih hăng Grŭp apăn bruă Ping gah Ding jum đang hmua hăng pơđĭ kyar ƀôn lan dêh čar kơ klah čun 10 thun ngă tui Tơlơi pơtrun pơsit mrô 19 mơng Grŭp mă bruă Ping gah dêh čar ta tal 11 kơ pơplih phrâo dong hơdră bruă lŏn drŏn amăng rơnuk pơtrut kơtang abih bang bruă pơplih phrâo, hăng Tơlơi pơtrun pơsit mrô 26 mơng Grŭp mă bruă Ping gah tal 10 kơ bruă đang hmua, mơnuih ngă đang hmua, plơi pla.

Ding kơna Ding jum kơđi čar Trần Tuấn Anh mă bruă hăng Ding jum đang hmua hăng pơđĭ kyar ƀôn lan dêh čar

Khua Grŭp bơwih ƀong dêh čar ta ơi Trần Tuấn Anh lăi rơđah: bruă bơkơtuai amăng mông mă bruă djru Grŭp črâo ba pơhrua nao hơdôm tơlơi pơmin, bôh yôm phăn amăng sa dua mơta tơlơi čih pơkra Tơlơi pơtrun pơsit phrâo kơ lŏn drŏn hăng Tơlơi pơtrun pơsit phrâo kơ đang hmua, mơnuih ngă đang hmua, plơi pla; lăi pơthâo hơdôm hơdră pơtrun, jơlan gah pơsit, bruă pơsir amăng rơnuk phrâo, hăng tơhnal ba kông ngăn lŏn dron, biă ñu lŏn ngă đang hmua jing anô̆ pơtrut hăng pơtruh phrâo bruă đang hmua, bơwih ƀong – mơnuih mơnam plơi pla dêh čar ta pơđĭ kyar tañ hăng kơjăp hloh./.

Siu H’ Prăk: Pô pơblang