VOV4.Jarai - Tlam tom brơi, Khua git gai pơ ala mơnuih ƀon sang ơi Vương Đình Huệ hơmâo ngă bruă tom Anom bruă Khua pơ ala mơnuih ƀon sang dêh čar hăng hơdôm anom bruă bơdjơ̆ nao kơ bruă prăp lui jơnum lok 2, Khua git gai pơ ala mơnuih ƀon sang dêh čar tal 15 sit nik pơphun amăng hrơi pơgi lơ 20/10. Tui hăng Khua čih pioh Sang gum hơbit djŏp dêh čar, Khua Anom briă pơ ala mơnuih ƀon sang dêh čar, hơdôm tơlơi jơnum dưi ba pơdah pơ Khua git gai pơ ala mơnuih ƀon sang dêh čar laih. Bruă prăp lui pôr pơhing, anih anom, gơnam yua, rơnuk rơnua, bruă čơkă tuai, anih djru bruă, pơgang klin hơmâo ngă giong ƀhiao laih, amra dưi bơwih brơi kơ mông jơnum anai laih. Mông jơnum anai gir dưm dăp đah mơng huăi rơngiă lu mông ngă bruă (him lăng jơnum amăng 17 hrơi) samơ̆ ăt pơhlôm jơmâo tơlơi tơña hăng lăi glăi tơlơi tơña mơng Khua git gai pơ ala mơnuih ƀon sang hăng tơlơi đĭ kyar mơng lŏn ia ta amăng thun 2022, hăng hơdôm thun pơ anăp, pơhlôm rơnuk rơnua pơgang klin Covid-19, amăng hrơi pơphun Jơnum, Khua git gai pơ ala mơnuih ƀon sang ơi Vương Đình Huệ kiăng mă yua abih mông hơmâo pioh bơkơtuai ƀơi grup hăng ƀơi sang jơnum; pơplih phrâo hăng pơđĭ tui anŏ klă mơng bruă mơnuih djru čih pioh hră pơ-ar, pơƀut tơlơi pơgôp hiăp hăng lăi glăi hơdôm bruă kiăng pơsir. Hrŏm hăng anun, Khua git gai pơ ala mơnuih ƀon sang dêh čar ơi Vương Đình Huệ lăi yôm kơ tơlơi gơgrong bruă mơng grup Ping gah, pơđĭ tui hloh tơlơi gơgrong bruă, tơlơi pơhiăp mơng ƀing khua pơ ala, pơƀuh kơ tơlơi kơtưn, tơlơi kiăng mơng mơnuih ƀon sang, yua tơlơi gêh gal, klă hiam hrŏm mơng lŏn ia, bơkơtuai rơđah, lăi glăi sit kiăng djơ̆ hăng tơlơi đĭ kyar hrŏm mơng lŏn ia.

Siu H’Mai: Pơblang