VOV4.Jarai - Anom bruă mơng Khul git gai dêh čar kơ bruă pơgang ayuh hyiăng ƀu klă ngă phrâo hơmâo hră pơtrun mơ-it Khul git gai pơgang ayuh hyiăng ƀu klă ngă hăng gum djru mơnuih bưp tơlơi truh sat hơdôm tơring čar, ƀôn prong ter hang ia rơsĭ mơng Quảng Bình truh pơ Bình Thuận hăng hơdôm kual Kơdư; djop ding jum, gơnong bruă ngă hmua hăng pơđĭ kyar ƀon lan. Ia jrao, ling tơhan, kông ang, wai lăng jơlan glông hăng sĭ mơdrô pok pơhai hơdôm hơdră prap pơgang kơthel hăng anăn Conson hăng tal hơjan kơtang. Amăng hră pơtrun rơkâo Khul git gai pơgang ayuh hyiăng ƀu klă ngă hăng gum djru mơnuih bưp tơlơi truh sat djop ding jum, gơnong bruă, gong gai git gai bruă pel ĕp hơdră pơgang hăng pok pơhai bruă bong glăi tơlơi truh sat amăng hrơi blan klin Covid-19 dŏ tơnap tap tui tơlơi git gai mơng Khua dêh čar, sit biă ñu lĕ hơdră ba đuăi mơnuih nao pơ anih pơhlôm rơnuk rơnua amăng hrơi hơjan kơthel, ia ling dăo, lŏn tơhlŏm hăng pơhlôm rah bruă pơgang klin ƀơi hơdôm anih dŏ jang jai kơ mơnuih đuăi hyu hơđăp.

Siu Đoan: Pơblang