VOV4.Jarai - Anom bruă Kơnuk kơna phrâo mă yua tơlơi Lăi pơthâo klah čun mơng Kơ-iăng Khua dêh čar ta ơi Trương Hòa Bình ƀơi mông Jơnum Grŭp črâo ba mơng dêh čar ta kơ Jơlan hơdră pơđĭ kyar bơwih ƀong – mơnuih mơnam kual djuai ania ƀiă hăng kual čư̆ siăng mơng thun 2021-2030. Kiăo tui anun, hơdôm ding jum, gơnong bruă, jơnum min hăng tơring čar, ƀôn prong khom pơsit pran jua ngă giong bruă prăp lui kiăng dưi pok pơhai ngă tui Jơlan hơdră anai mơng blan 10/2021. Anai lĕ sa amăng 3 jơlan hơdră pơkă mơng lŏn ia mơng thun 2021-2025, dưi hmâo Khua pơ ala mơnuih ƀôn sang pơsit hơdră pơtrun tuh pơplai. Jơlan hơdră hmâo bôh tŭ yua yôm phăn pioh kơ pơđĭ kyar – mơnuih mơnam mơng lŏn ia, djru bruă bơwih ƀong hăng pơhlôm tơlơi hơdip mơda kơ mơnuih ƀôn sang kual neh wa djuai ania ƀiă hăng kual čư̆ siăng – kual tơnap tap hloh mơng đơ đam dêh čar./.

Siu H’ Prăk: Pô pơblang