VOV4.Jarai -  Čơtlăm lơ 14/10, ƀơi Sang mă bruă Khua pơ ala mơnuih ƀôn sang, Khua git gai wai lăng pơ ala mơnuih ƀôn sang dêh čar ta ơi Vương Đình Huệ hăng Khua Grŭp mă bruă Ping gah Kơnuk kơna, Khua dêh čar ta ơi Phạm Minh Chính hmâo git gai jơnum kơplah wah Ping gah Grŭp khua pơ ala mơnuih ƀôn sang hăng Grŭp mă bruă Ping gah Kơnuk kơna kơ bruă prăp lui Tal jơnum lok 2, Khua pơ ala mơnuih ƀôn sang dêh čar ta tal 15 (pơkă hlâo pok phun amăng lơ 20/10).

Pơhiăp klah čun mông jơnum, Khua git gai wai lăng pơ ala mơnuih ƀôn sang dêh čar ta ơi Vương Đình Huệ brơi thâo, truh ră anai, abih bang hơdôm bruă prăp lui kơ Tal jơnum lok 2 hmâo ngă giong laih hăng tơlơi tŭ ư hrom, pơlir hơbit prong biă. Khua git gai wai lăng pơ ala mơnuih ƀôn sang dêh čar ăt rơkâo mơn, Khua git gai Khua pơ ala mơnuih ƀôn sang, Kơnuk kơna, Sang phăt kơđi dêh čar, Anom pel ĕp kơđi tơlơi dêh čar, Jơnum min djop djuai ania mơnuih mơnam dêh čar Việt Nam, 4 bôh Anom bruă Ping gah črâo ba dong hơdôm ƀirô bơdjơ̆ nao gum hrom kơjăp lom pơphun Tal jơnum lok 2 kiăng hmao tlôn pơsir tơlơi amra phun hmâo. Khua git gai wai lăng pơ ala mơnuih ƀôn sang dêh čar ta ơi Vương Đình Huệ pơtă bruă prăp lui jơnum lok 2 ƀu dưi lui raih ôh, khom pơhlôm klă pơgang pơgăn klin, rơnuk rơnua hăng bruă pơhing lăi pơthâo./.

Siu H’ Prăk: Pô pơblang