VOV4.Jarai - Ƀơi kual pŏng gŏng guai mrô 790, bah amăng jăng jar kơmar Bờ Y, tơring glông Ngọc Hồi, Ƀirô git gai Ling tơhan pơgang guai lŏn ia tơring čar Kontum hmâo pơphun ƀơk braih piăng, gơnam mă yua gah ia jrao kơ khul Kông ang, Khul ling tơhan 2 bôh tơring čar Attapư hăng Sê Kông, dêh čar Lao.

Puih pơgang guai ƀơi Kontum brơi braih piăng, gơnam mă yua gah ia jrao kơ khul Kông ang, Khul ling tơhan 2 bôh tơring čar Attapư hăng Sê Kông

Abih bang Ƀirô git gai Ling tơhan pơgang guai lŏn ia tơring čar Kontum ƀơk brơi 2 bôh tơring čar 13 tơn braih, 80 kơthung mì tôm hrom hăng bơnal gôm adung mơbah, sum ao pơgang klin, jrao pơdjai kơman hăng abih bang nua ñu rơbêh kơ 220 klăk prăk. Pơ ala kơ Khul kông ang, Khul ling tơhan 2 bôh tơring čar Attapư hăng Sê Kông bơni tơpă sit tơlơi djru gum hmao tlôn mơng Ƀirô git gai Ling tơhan pơgang guai lŏn ia tơring čar Kontum; hrom hăng anun lăng yôm dong, djă pioh phiăn juăt gum hrom hơbit giăng mah pha ra, kơtưn gum hrom kơjăp hloh dong amăng bruă pơgang rơnuk rơnua kual guai lŏn ia hăng kơdŏng pơgang hot jrao./.

Siu H’ Prăk: Pô pơblang