VOV4.Jarai-Hrơi anai hăng hrơi pơgi lơ 6 hăng lơ 7/8 pơphun tal 2 pơplông mă ƀăng anih12 gưl dêh čar thun 2021. Anai lĕ hơdôm čơđai sang hră aka ƀu pơplông tal sa yua klin Covid 19 ngă. Hrơi anai, lơ 6/8, ƀing čơđai pơplông tơlơi hrăm Tơlơi thâo boh pơhiăp ngữ văn mơguah laih anun pơplông tơlơi hrăm tĭng Toán či tlam.

Hrơi pơgi lơ 7/8, mơguah, pơplông tơlơi hrăm lu mơta gah Khoa học tự nhiên laih anun lu tơlơi hrăm gah Khoa học xã hội; či tlam, pơplông tơlơi pơhiăp dêh čar tač rơngiao. Tal 2 anai hơmâo abih bang 13 anih wai lăng bruă pơplông, hăng 49 anih pơphun pơplông hăng 683 boh anih mut pơplông.

Tui hăng bruă ĕp lăng abih bang, truh ră anai djop anih mut pơplông, hơdră pơhlôm, pơgang klin Covid 19 dưi pok pơhai ngă tui djơ̆ tong ten.

Nay Jek: Pơblang