VOV4.Jarai - Tom brơi lơ 22/5, tơdơi kơ hrơi blan prap lui hăng dŏ tơguăn, hrơi plĕ hră ruah Khua pơ ala mơnuih ƀon sang dêh čar tal XV hăng khua khul pơ ala mơnuih ƀon sang djop gưl rơwang thun 2021-2026 pơphun tañ ƀiă ƀơi hơdôm plơi pla, anom bruă. Ƀơi kual Dap kơdư, amăng hrơi anai, giăm 12.000 čô mơnuih ƀon sang, ƀơi 63 anih pơphun plĕ hră, ƀơi tơring čar Daklak, Kontum hăng Dak Nông, hok mơ-ak ngă tui tơlơi dưi mơng mơnuih ƀon sang amăng bruă plĕ hră, pơgôp ruah ƀing mơnuih rơgơi kơhnâo - ba gru ngă Khua pơ ala mơnuih ƀon sang dêh čar hăng khua khul pơ ala mơnuih ƀon sang djop gưl.

Tơdơi kơ 12 rơbâo čô mơnuih nao plĕ hră tañ ƀiă, rơbêh 4 klăk 100 rơbâo čô mơnuih, mơng giăm 50 djuai ania ƀơi kual Dap kơdư, amra nao plĕ hră ƀơi 5 rơbâo 815 anih pơphun plĕ hră kiăng kơ ruah đĭ ƀing mơnuih rơgơi kơhnâo ngă Khua pơ ala mơnuih ƀon sang dêh čar  tal XV hăng khua khul pơ ala mơnuih ƀon sang djop gưl rơwang thun 2021-2026.

Siu Đoan: Pơblang