VOV4.Jarai - Ding jum Mơnuih mă bruă - Tơhan rơka hăng Mơnuih mơnam phrâo hơmâo hră mơ-it kơ Khua dêh čar rơkâo braih djru kơ mơnuih ƀon sang bơbeč yua klin Covid-19 ngă ƀơi hơdôm plơi pla glăk pơčlah mơnuih mơnam. Yua klin Covid-19 tal 4 hơđuh đĭ kơtang ngă sat răm kơ tơlơi hơdip, bruă mă mơng ană plơi pla, mơnuih mă bruă, biă ñu lĕ hăng ƀing pơdơi bruă jăng jai, rơngiă bruă mă, ƀu hơmâo prăk blan...ƀu dưi pơhlôm tơlơi hơdip, amra rơmon rơpa. Tlam lơ 18/8, Ding jum Mơnuih mă bruă - Tơhan rơka hăng Mơnuih mơnam lăi pơthâo kơ Khua dêh čar djru ba abih tih ñu 130.175 tơn braih kơ 8 klăk 600 rơbâo čô mơnuih ƀơi 24 boh tơring čar bơbeč yua klin Covid-19 ngă. Mrô djru kơ rim čô mơnuih lĕ 15kg braih amăng ha blan.

Siu H’Mai: Pơblang