VOV4.Jarai - 6 blan akŏ thun 2021, Daklak ƀuh 650 wŏt bruă phă glai hăng sua mă lŏn glai soh hăng tơlơi phiăn, anai lĕ giăm ha mơkrah bruă ngă soh amăng pơđĭ kyar glai rưng amăng đơ đam dêh čar. Anai lĕ bruă glăk ngă tơnap tap, brơi ƀuh bruă phă glai ƀơi Daklak glăk lu biă mă. Tui hăng jŭ yap mơng Anom bruă wai lăng đang glai tơring čar Daklak, amăng 6 blan akŏ thun, đơ đam tơring čar ƀuh 590 bruă phă glai hăng 60 bruă sua mă lŏn glai soh hăng tơlơi phiăn, hăng abih bang glai rưng hăng lŏn pioh pla glăi glai rơngiă lĕ 207 ektar.

Bruă phă glai rưng, sua mă lŏn glai ƀơi Daklak glăk ngă tơnap tap

Amăng anun, hơdôm anom bruă bơdjơ̆ nao hơmâo pơsir hĭ 390 bruă ngă soh, pơhrui giăm 260 m3 kyâo djop mơta, 252 rơdêh, duh amăng ngăn drăp kơnuk kơna giăm 3 klai prăk. Sit biă ñu, hơmâo rơbêh 70% mrô kơđi phă glai amăng 6 blan laih rơgao ƀơi Daklak ƀuh ƀơi tơring glông Krông Bông, sa, dua anih ƀuh lu mơnuih phă glai hơmâo anom bruă bơdjơ̆ nao amăng tơring čar đing nao pơgăn hĭ.

Siu Đoan: Pơblang