VOV4.Jarai - Sang dăng kông Việt Nam brơi thâo, pơphun mơng hrơi anai lơ 6/8, anom pơphun jơlan hơdră “Asar mah Sang dăng kông”. Tui anun, Kông ti amra brơi 700 tơn braih kơ mơnuih ƀon sang kual Dơnung glăk bơbeč yua klin Covid-19. Hơmâo 6 boh tơring čar, ƀon prong hơmâo brơi braih anun lĕ: ƀon prong Hồ Chí Minh, Bình Dương, Đồng Nai, Tây Ninh, Long An, Tiền Giang. Him lăng rơbêh 233.000 čô mơnuih tơnap tap hơmâo mă braih mơng hơdră bruă “Asar mah Sang dăng kông”. Hơjăn ƀơi ƀon prong Hồ Chí Minh, Sang dăng kông ƀon prong amra pioh 30 tơn braih amăng jơlan hơdră anai brơi kơ sang tơnă asơi kơ ƀing glăk pơgang klin, ƀing ơi ia jrao, mơnuih rin rơpa. Hlâo kơ anun, sang dăng kông hơmâo pơphun rơbêh 3.400 anih brơi gơnam kiăng yua, hơđong nua ƀơi hơdôm boh tơring čar hơmâo mơnuih mơnam glăk dŏ pơčlah.

Hơdôm anih ƀơk braih mơng sang dăng kông Việt Nam

Siu H’Mai: Pơblang