VOV4.Jarai - Sĭ mơdrô akan hơdang Việt Nam pơ kual EU amăng 6 blan akŏ thun rơbêh 486 klăk đôlar Mi, đĭ 20%, amăng anun sĭ mơdrô akan hơdang hyu mă truh pơ154 klăk đôlar Mi, akan hơdang rông truh pơ 333 klăk đôlar Mi. Kual EU ră anai lĕ kual blơi akan hơdang prong tal 4 mơng dêh čar Việt Nam, tơdơi kơ Mi, Japan, Khač. Tui hăng Khul pơkra pơjing hăng sĭ mơdrô akan hơdang Việt Nam (Vasesp), EU blơi dưm dưm 14% mrô hơdang mơng Việt Nam, dong tal 3 tơdơi kơ Mi hăng Japan. 6 blan akŏ thun, bruă sĭ hơdang đĭ lu hloh. Amăng anun, kơnong hơdang tơkai kô̆ rơbêh 205 klăk đôlar Mi. Amăng djuai akan rông, rơngiao kơ akan tra, hơdôm anom bơwih ƀong sĭ mơdrô Việt Nam ăt ba sĭ mơdrô lu akan mơng ia mơmih anun lĕ akan keñ, akan rô phi hăng nua giăm 4 klăk đôlar Mi, đĭ rơbêh 60% pơhmu tui tơđar thun hlâo.

Siu Đoan: Pơblang