VOV4.Jarai - Tlam (10/12), ƀơi Hà Nội, Ding jum pơtom hiăp pơphun tal hơdor glăi 100 thun hrơi tơkeng ơi Nguyễn Cơ Thạch, Ding kơna Ding jum kơđi čar, Kơ-iăng Khua khul ding jum, Khua ding jum pơtom hiăp hơđăp ( 1921-2021). Tal pioh hơdor 100 thun hrơi tơkeng ơi Nguyễn Cơ Thạch lĕ sa amăng hơdôm bruă yôm phun amăng tal pơphun bruă kơđi čar yôm phăn hơmâo: Jơnum pơtom hiăp đơ đam dêh čar, Jơnum pơtom hiăp tal 31, jơnum pơtom hiăp tal 20 kiăng kơ pok pơhai ha amăng plĕ, djop mơta, hơdră bruă pơtom hiăp mơng Jơnum Ping gah tal XIII. Đĭ pơhiăp amăng mông ngă lơphet, Khua ding jum pơtom hiăp ơi Bùi Thanh Sơn lăi pơtong tơlơi hơdip djru bruă hơkrŭ hing ang mơng ơi Nguyễn Cơ Thạch hơmâo pioh glăi rơnuk tơdơi hơdôm tơlơi găn rơgao yôm phăn amăng pơđĭ kyar lŏn ia hăng amăng gơnong bruă pơtom hiăp ră anai.

Siu Đoan: Pơblang