VOV4.Jarai - Tô̆ tui jơlan hơdră jơnum ƀu hmâo pơkă hlâo tal sa, Khua pơ ala mơnuih ƀôn sang dêh čar ta tal 15 hmâo bơkơtuai lăng nao rai mơng ataih kơ hră čih pơkra Tơlơi pơtrun pơsit kơ hơdră bruă prăk kak pioh djru Jơlan hơdră hơkrŭ glăi hăng pơđĭ kyar bơwih ƀong – mơnuih mơnam. Ƀing Khua pơ ala lăi rơđah truh bruă hơđong bơwih ƀong prong lĕ yôm phăn biă; kiăng đing nao pha ra truh tơlơi đĭ nua, čan prăk kơ bruă hrom, hao hĭ ngăn drăp kơnuk kơna. Hơdôm tơlơi gum pơhiăp ăt rơkâo mơn wai lăng kơjăp anung prăk djru gum bĕ hưp ƀong mă mơng hơdră bruă. Lu Khua pơ ala lăi lĕ, Hră čih pơkra Tơlơi pơtrun pơsit lăi pơthâo kơ Khua pơ ala mơnuih ƀôn sang tal anai lĕ hơdră pơtrun pơhlôm djơ̆, samơ̆ anai ăt lĕ bruă mă tơnap tap biă, tơlơi lông khom hmâo bôh thâo hăng pran pơsit prong. Tui ƀing khua pơ ala, prăk dưi pơpha hluai tui tơlơi pơkă, tơhnal ba tơbiă, tơhnal pơkă hăng tơlơi kiăng khom gơgrong. Bruă pơsit pơpha giăm truh 350.000 klai prăk kơ lu tơhnal pơkă pha ra, hmâo hơdôm tơhnal pơkă dưi pơpha ƀơi anăp, hmâo hơdôm tơhnal pơkă hluai tui rơđah rơđông, gơnam yua djru prăk kơmlai./.

Siu H’ Prăk: Pô pơblang