VOV4.Jarai - Jơlan hơdră -“Tết tum jơngum” 2022 amra pơphun jơnum pơƀut 10 rơbâo bôh sang anô̆ mă bruă tơnap tap mut phung, mơnuih mă bruă hmâo tơlơi hơdip tơnap, ƀu hmâo tơlơi gal glăi plơi čơkă thun phrâo, pơkă hlâo pơphun mơng lơ 22/1 truh lơ 27/1/2022. Anai lĕ sa amăng hơdôm bruă mă amăng jơlan hơdră “Mơnuih mă bruă mơ-ak tết hăng ƀôn prong”. Jơlan hơdră -“Tết tum jơngum” ƀôn prong Hồ Chí Minh thun 2022 dưi pơphun ƀơi hơdôm anih anom khul mut phung, ƀudah ƀơi anih mă bruă khul mut phung gưl dlông, tui hluai kơ bôh nik hăng hơdôm bruă mă bôh thâo, adôh suang čơkă thun phrâo, pơhrua hrom bruă bơwih brơi, brơi gơnam tam kơ mơnuih amăng khul hăng mơnuih mă bruă. Ƀrô djơ̆ tal anai, Khul mut phung ƀôn prong Hồ Chí Minh amra bơwih brơi kơ 1.000 čô mơnuih amăng khul hmâo tơlơi hơdip tơnap, rim čô sa klăk prăk; pơphun hyu tơña bla, pơtrut pơsur 12 bôh anom bruă hăng bơwih brơi 600 čô mơnuih mă bruă tơnap tap gah hơdôm gơnong bruă, bruă ia jrao, pơgang pơgăn klin ruă, pơgang anih anom dô̆...

Siu H’ Prăk: Pơblang