VOV4.Jarai-Ding jum gru grua Boh thâo Pơrơguăt drơi jăn hăng Tuai čuă ngui brơi thâo, thun 2022, anom bruă tuai čuă ngui ăt pơđĭ kyar hơdôm jơlan hơdră pơtrut anŏ kiăng, djru rĭm yak rŭ glăi bruă mă gah tuai čuă ngui, grup tuai hyu ngui ăt pơphun samơ̆ pơhlôm pơgang klin prong Covid 19 djơ̆ tơhnal pơkă. Tui hăng anun, Ding jum Gru rgua Boh thâo Pơrơguăt drơi jăn hăng Tuai čuă ngui pơtong rơđah 5 khul bruă či ngă, hơdră pơsir pioh pom glăi bah amăng brơi tuai čuă ngui ăt khom pơgang tong ten klin kheng Covid 19; djru anom bruă sĭ mơdrô hmar rŭ glăi hăng djru pơđĭ kyar ĕp mơnuih mă bruă djơ̆ lăp kơ bruă tuai čuă ngui.

Ăt ngă jơlan hơdră pơhrŏ ƀiă prăk jia, prăk apah; djru rơnoh prăk čan mơ̆ng sang bruă prăk kiăng djop anom bruă tuh pơ alin kơ bruă tuai čuă ngui; đing nao kơ bruă tuai čuă ngui, hơdôm anom bruă phrâo pơphun bruă tuai čuă ngui….Kơ tơlơi hơđong rơnuk rơnua anih nao ngui, kiăng tuai hơđong pran jua, tui hăng Kơ-iăng Khua dêh čar ơi Vũ Đức Đam kiăng ngă tui klă bruă pơhlôm, pơgang klin duăm ruă amăng ƀiă hrơi hloh, đah mơ̆ng pok bah amăng  kơ bruă tuai čuă ngui hơđong hloh.

Nay Jek: Pơblang