VOV4.Jarai - Hơdip hrŏm rơnuk rơnua, hơdeč hmar pơgăn klin, ngă pơhưč tuh pơ plai, pơplih phrâo bruă ngă hmua, ngă tui klă bruă djru mơnuih mơnam jing bruă yôm phun hơmâo tơring čar Dak Lăk gir ngă amăng thun 2022. Thun 2021, mah hơmâo klin Covid-19, samơ̆ tơlơi bơwih ƀong huă - mơnuih mơnam mơng tơring čar Dak Lăk ăt hơmâo lu tơlơi pơplih mơn: rơnoh đĭ kyar bơwih ƀong huă rơbêh 5,1%, prăk pơhrui hơmâo 50 klăk prăk/sa čô; prăk sĭ mơdrô hăng čar rơngiao hơmâo rơbêh 1.100 klăk dolar. Thun 2022, Dak Lăk ăt kiăo tui tơlơi pơtrun hơdip hrŏm rơnuk rơnua, hơdeč hmar, pơgang klin Covid-19 klă hloh, laih dong ngă pơhưč tuh pơ plai prăk kăk, pơplih bruă ngă hmua, wai lăng lŏn tơnah...Hăng hơdôm bruă man pơdong anih anom, tơring čar pơƀut pơsir brơi tơlơi tơnap, tơlơi ngă gun, biă ñu lĕ bruă čuk pơkra lŏn tơnah, yua dah anai lĕ sa amăng hơdôm tơlơi “ngă đom” prong biă amăng hrơi blan rơgao.

Siu H’Mai: Pơblang