VOV4.Jarai -  Ƀơi mông jơnum lăng nao rai amăng tivi klah čun bruă mơng Anom bruă pơgang tơlơi truh lŏn adai ngă - Anom bruă git gai kơ bruă pơhlôm pơgang tơlơi truh lŏn adai ngă dêh čar thun 2021 hăng pok pơhai bruă amăng thun 2022 pơphun tlam lơ 30/12 ƀơi Hà Nội, ƀing khua lăi, khŏm khut khăt hăng hăng bruă tŭ yua hloh ƀơi anăp tơlơi truh răm ƀăm mơng lŏn adai. Thun 2021, tơlơi truh lŏn adai ngă ƀơi rŏng lŏn tơnah hơmâo lu tơlơi phara, ba truh tơlơi djai brŭ hăng rơngiă gơnam prong biă. Ƀơi dêh čar ta hơmâo 841 wơt tơlơi truh lŏn adai ngă, hăng 18 tơlơi truh phara ƀơi mrô 22 tơlơi truh răm ƀăm yua lŏn adai ngă. Tơlơi truh lŏn adai ngă ngă 108 čô mơnuih djai, rơngiă aka ĕp ƀuh, him lăng rơngiă prăk rơbêh 5.200 klai prăk. Lăng nao hơdôm tơlơi aka ƀu dưi ngă, ăt kah hăng tơlơi ba tơbiă pioh pơgang tơlơi truh amăng thun 2022 klă hloh djơ̆ hăng tơlơi hơmâo sit, ƀing khua lăi, klin Covid-19 ngă ăt kơtang mơn, djŏp tơlơi truh lŏn adai ngă kah hăng: kơthel, ia dăo, ia kuor, lŏn tơhlŏm, không phang, lŏn pơpư̆....kơtang amăng thun 2021 ăt jing amuñ bơbeč nao dêh čar ta, bruă pơgăn tơlơi truh jai hrơi kiăng ngă kơtang hloh yua hnun kiăng anom bruă pơgang tơlơi truh lŏn adai ngă mơng plơi pla khŏm mă bruă klă. Tui anun, pơtô brơi dong kiăng ƀing khua, mơnuih apăn bruă rơguăt bruă hloh amăng bruă pơgang tơlơi truh răm ƀăm, biă ñu lĕ mơnuih mă bruă ƀơi plơi pla.

Siu H’Mai: Pơblang