VOV4.Jarai - Tơlơi pơhing mơng Sang bruă Học viện Quân Y (Ding jum ia jrao), tơdơi kơ tlâ̆o giong arăt tal 2 kơ 1 rơbâo čô mơnuih rơkâo mă pô (tal 3a) mơguah lơ 27/7, hơdôm anom bruă kơsem min vaccine Nano Covax pơgang Covid-19 rơwang tal 3 hơmâo pơphun tlâ̆o arăt tal 2 kơ 12 rơbâo čô mơnuih (gah tal 3b). Hlâo či tlâ̆o lăng, ƀing nao tlâ̆o khŏm pơhaih rơđah pơ sang ia jrao, khăm lăng hlâo ƀơ̆i, dưi tlâ̆o kah mơng tlâ̆o. Hlâo kơ anun, 13 rơbâo čô mơnuih rơkâo tlâ̆o (tal 3a hăng 3b) hơmâo tlâ̆o giong laih arăt tlâ̆o lăng blung a vaccine Nano Covax amăng lơ 14/7; tơdơi kơ anun, 1 rơbâo čô mơnuih (tal 3a) tlâ̆o giong arăt tal 2 amăng lơ 22/7. Ƀing rơkâo tlâ̆o lăng hlâo anai hiam drơi jăn mơn, huăi ƀu tơlơi ruă hơget ôh mơng ia jrao ngă. Lơ 15/8 pơ anăp, him lăng hơdôm anom bruă amra tlâ̆o giong arăt 2 mơng rơwang bruă tlâ̆o jrao tal 3.

Siu H’Mai: Pơblang