Jĕ giăm, tong ten hăng mơnuih ƀôn sang, pơsir bruă ngă hră pơar tañ, hmar anun lĕ sa tơlơi mơnuih ƀôn sang ƀuh lơ̆m nao pơ anih ngă hră pơar ƀơi să phrâo. Kiăng kơ bruă mă kơnuk kơna tơring čar dua gưl pơphun tŭ yua hloh, Khua mua apăn bruă phun ping gah tơring čar Lâm Đồng pơpha grup hyu sem lăng ƀơi lu să, phường. Anih nao ĕp lăng ƀơi phường Xuân Trường, ơi Hồ Văn Mười, Khua Jơnum min mơnuih ƀôn sang tơring čar Lâm Đồng hơmâo tơña bla, pơtrut pran jua mơnuih ƀôn sang nao ngă hră pơar ƀơi anih pơsir hră pơar mơ̆ng kơnuk kơna.

Khua Jơnum min mơnuih ƀôn sang tơring čar Lâm Đồng pơtă pơtăn ƀing khua mua, mơnuih apăn bruă ƀơi phường Xuân Trường gir run hloh, khut khăt mă bruă, hrưn đĭ pô, thâo gum pơgôp, mă tơngan hrŏm tong ten mă bruă kiăng ngă djơ̆ tơhnal pơkă bơwih brơi kơ mơnuih ƀôn sang amăng plơi pla, tơring čar, djru hrŏm pơđĭ kyar lŏn ia.