VOV4.Jarai-Lơ 13/3, djop ding jum, anom bruă, hơdôm sang bruă pơ ala kơ Việt Nam hơmâo pơphun pơgiăng dơ̆ng 600 čô mơnuih ƀôn sang Việt Nam hăng sang anŏ dŏ ƀơi Ukraine, đuăi nao pơ dêh čar Ba Lan hăng Rumani glăi pơ dêh čar ta pô. Amăng anun 138 čô čơđai  mơ̆ng 3 blan truh kơ 18 thun, 70 čô mơnuih tha rơma hrom hăng lu đah kơmơi pi kian laih anun mơnuih duăm ruă.

Ƀu ƀiă ôh mơnuih dŏ truh 30 thun laih mă bruă, akŏ pơjing tơlơi hơdip mơda ƀơi dêh čar Ukraine. Glăi hĭ yua hơmâo tơlơi blah ngă, lu mơnuih tơl rơngiă abih hră pơar, rup kak, hră visa, hră passport. Samơ̆ hơdôm sang bruă git gai tơhan mă bruă ƀơi tơdron rơdêh por brơi djru pơsir hmao kru, pơtong glăi, ngă hră pơar kơ ƀing anai.    

Nay Jek: Pơblang