VOV4.Jarai - Hrơi anai (8/7), čơđai amăng đơ đam dêh čar ta yak mut hrơi pơplông tal 2, ăt lĕ hrơi rơnuč tal pơplông mă ƀăng gưl 3 thun 2022. Mơguah, ƀing čơđai pơplông tổ hợp Khoa học tự nhiên, ƀudah Khoa học xã hội, čơtlăm pơplông tơlơi dêh čar tač rơngiao. Hơdôm tơlơi pơplông anai leng kơ tui hơdră trắc nghiệm. Tui hăng tơlơi lăi pơthâo glăi tañ mơng Ding jum pơtô pơhrăm, amăng hrơi pơplông blung a hăng 2 mơta tơlơi pơplông Ngữ văn hăng Toán, mrô čơđai nao pơplông hmâo rơbêh kơ 99%. Mrô čơđai F0 lĕ 79 čô čơđai mơng 20 bôh anom pơplông. Amăng anun, hmâo 18 čô čơđai nao pơplông, 61 čô čơđai ƀu hmâo nao pơplông. Khă hnun hai, hmâo laih 22 čô čơđai ngă soh tơlơi phiăn pơkă pơdơi pơplông, amăng anun hmâo 5 čô djă ba mut hăng mă yua hră lăng dŏp amăng anih pơplông. 17 čô djă ba telephone mut amăng anih pơplông. Ƀu hmâo mơnuih wai lăng čơđai pơplông ngă soh phiăn pơkă ôh./.

Siu H’ Prăk: Pơblang