VOV4.Jarai - Tui hăng Anom bruă Grŭp črâo ba bruă pơgang pơgăn ayuh hyiăng ƀu klă ngă dêh čar ta, yap truh 5 mông čơtlăm lơ 3/4, hơjan ia ling dăo ƀơi kual Tŏng Krah dêh čar ngă laih 2 čô mơnuih djai, sa čô mơnuih rơngiă akă ĕp ƀuh hăng 5 čô mơnuih rơka ruă. Rơđah biă ñu, hơjan ia ling dăo ngă tơglưh 2 bôh sang; 50 bôh sang pok bơbung; 262 bôh song, rơkĭ kơdrăm; năng ai ñu 2 rơbâo 600 bôh anih rông akan hơdang răm rai; rơbêh kơ 88 rơbâo ektar hmua pơdai hăng năng ai ñu 17 rơbâo ektar đang hmua ia lip, răm rai. Hơkrŭ pơsir anô̆ răm rai yua hơjan ngă, hơdôm tơring čar, ƀôn prong hmâo pơphun pơđoh ia thu hơdơ̆ hơpă yuă prah dơ̆ anun, truh lơ 3/4, hơdôm bôh tơring čar Quảng Ngãi, Bình Định, hăng Phú Yên hmâo yuă prah laih 23 rơbâo ektar hmua pơdai; hmâo dui ba glăi 171 bôh ƀat tô song nan. Anom bruă Grŭp črâo ba bruă pơgang pơgăn ayuh hyiăng ƀu klă ngă dêh čar ta rơkâo hơdôm tơring čar, ƀôn prong hơkrŭ pơsir tañ dong anô̆ răm rai; djru mơnuih ƀôn sang gơnam ƀong huă kiăng huăi hmâo sang anô̆ hơpă kơƀah rơpa. Iâu pơhrui khul mơnuih gum djru mơnuih ƀôn sang agaih anih anom dô, pơplih pơkra glăi sang hmâo pok bơbung, ia lip, tañ hơđong tơlơi hơdip mơda mơnuih ƀôn sang./.

Siu H’ Prăk: Pơblang