VOV4.Jarai - Tlam lơ 30/5, hơmâo tơlơi tŭ ư mơng Khua dêh čar, Khul wai lăng pơsat jĕp Khua mir sir Hồ Chí Minh gum hrŏm hăng Sang anih jưh pơ ala dêh čar Việt Nam pơ Nga hăng Anom bruă kơsem min boh thâo gah ia jrao hăng tinh dầu dêh čar Nga pơphun Jơnum klah čun 30 thun ngă hrŏm djă pioh klă hloh drơi jăn atâo Khua mir sir Hồ Chí Minh (1992-2022). Đĭ pơhiăp amăng mông jơnum, Thiếu tướng Bùi Hải Sơn - Khua khul wai lăng pơsat jĕp Khua mir sir Hồ Chí Minh, Khua anom bruă git gai ling tơhan wai lăng pơsat jĕp brơi thâo: bruă mă yua boh thâo măi mok lơ̆m djă pioh drơi jăn atâo Khua mir sir Hồ Chí Minh arăng yua măi mok yôm hloh, lĕ mơng dêh čar Nga.

Samơ̆ ră anai, ƀing rơgơi kơhnâo mơng Việt Nam dưi ngă mă pô amăng bruă djă pioh drơi jăn atâo Khua mir sir Hồ Chí Minh, samơ̆, ăt ƀu kơƀah ƀing mơnuih rơgơi kơhnâo mơng Nga djru brơi. Việt Nam tŏ tui kơsem min, pơsir hĭ hơdôm bruă aka ƀu klă juăt ƀuh, pơgiong hăng pơhrăm tui hơdôm tơlơi sit nik brơi ƀing rơgơi kơhnâo mơng Việt Nam, ƀơƀrư̆ anăp nao dưi ngă pô amăng mă yua boh thâo măi mok.

Siu Đoan: Pơblang