Hlâo kơ hrơi mut sang hră, kiăng pơsur pran jua brơi ƀing čơđai sang hră djuai ania ƀiă gir kơtir hrăm hră, tơring glông kual tơnap tap Tu Mơ Rông, tơring čar Kon Tum hơmâo pơphun ba 40 čô čơđai djuai ania Sêdang hrăm hră rơgơi hloh amăng thun hrăm 2023-2024 hăng 4 čô nao pơtô rơgơi nao pơ Hà Nội kiăng lăi pơthâo kơ Wa kah hăng mut hrŏm hơdôm tơlơi ngui yôm phăn. Amăng 5 hrơi, dong mơng lơ 12-16/8/2024 nao pơ Hà Nộ mut čuă jơmư pơsat jĕp Wa Hô.

     Grup hơmâo 40 čô čơđai djuai ania Sêdang hrăm hră rơgơi hloh hăng 4 čô nai pơtô rơgơi amăng tơring glông Tu Mơ Rông hơmâo nao čuă ngui lu anih djă pioh gru grua hing ang; anih djă pioh gru grua Ngã Ba Đồng Lộc, tơring čar Hà Tĩnh; anih djă pioh hơdor kơ Khua mir sir Hồ Chí Minh ƀơi Kim Liên-Nam Đàn, tơring čar Nghệ An. Ƀơi plơi prong jưh jom Hà Nội, ƀing čơđai hrăm hră rơgơi djuai ania Sêdang hơmâo mut nao čuă jơmư pơsat jĕp Wa Hô hăng nao čuă anih djă pioh gru grua Khua mir sir Hồ Chí Minh ƀơi Ƀirô Khua mir sir hrŏm hăng sa, dua anih čuă ngui hiam pơkŏn amăng plơi prong jưh jom.