VOV4.Jarai - Tui hăng mrô yap mơng Ding jum pơtô pơhrăm kơ tơlơi nao glăi sang hră mơng čơđai sang hră, ƀing hrăm gưl dlông đơ đam dêh čar ta, yap truh rơnuč lơ 7/2, hmâo 53 amăng mrô 63 bôh tơring čar, ƀôn prong brơi čơđai anet hăng čơđai gưl 1 pơphun nao sang hră mơng lơ 7/2 truh lơ 14/2/2022. Rơđah biă ñu gưl čơđai anet hăng gưl sa, hmâo 63 bôh tơring čar, ƀôn prong hmâo ba tơbiă kơčăo bruă ba čơđai nao sang hră amăng blan 2/2022. Ƀơi gưl 2, 63 bôh tơring čar, ƀôn prong hmâo ba tơbiă kơčăo bruă ba čơđai nao sang hră amăng blan 2/2022. Amăng anun hmâo 57 bôh tơring čar, ƀôn prong brơi 100% mrô čơđai sang hră nao sang hră mơng hrơi anai (8/2). Gưl 3, 63 bôh tơring čar, ƀôn prong hmâo čơđai sang hră nao sang hră amăng lơ 7/2. Hăng gưl dlông, 100% hơdôm anih anom pơtô pơhrăm gưl dlông hmâo laih kơčăo bruă pơphun pơtô pơhrăm ƀơi sang hră pơphun mơng lơ 14/2 pơ̆ anăp./.

Siu H’ Prăk: Pơblang