6 blan akŏ thun, Dak Lăk hơmâo 1.700 boh anom mơdrô phrâo
Thứ hai, 16:16, 22/06/2026
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV.Jarai - Amăng ha mơkrah thun 2026, tơring čar Dak Lăk čih pioh hơmâo 1.700 boh anom mơdrô phrâo akŏ pơdong, yua mơnuih ƀôn sang ngă pô, đĭ rơbêh 180% pơhmu hăng tơđar thun 2025.
Hăng 1.700 boh anom bơwih ƀong phrâo mơ̆ng akŏ thun 2026 truh ră anai, tơring čar Dak Lăk ră anai glăk hơmâo 19.575 boh anom bơwih ƀong mơdrô glăk mă bruă, prăk ngă bruă blung a giăm 80 klai prăk. Hrŏm hăng hơmâo lu tui anom mơdrô, prăk pơhrui glăi mơ̆ng tơring čar ăt đĭ mơn.
Tui hăng ơi Nguyễn Anh Tuấn, Khua anom mă jia tơring čar Dak Lăk, bruă hơmâo thim 1.700 anom bơwih ƀong phrâo, hăng lu bruă bơwih ƀong phara jing tơlơi klă laih hăng khul bơwih ƀong mơdrô wơ̆t hăng anih tuh pơ alin bơwih ƀong sĭ mơdrô mơ̆ng tơring čar. Anai ƀu kơnong jing bruă yom či pơtrut bơwih ƀong huă - mơnuih mơnam đôč ôh, ăt djru pơđĭ tui prăk pơhrui glăi, ngă gêh găl đah mơ̆ng dưi đĭ kyar 2 mrô mơ̆ng tơring čar amăng thun 2026 hăng rơwang pơ anăp dong./.
Viết bình luận