VOV4.Jarai - Ƀơi mông jơnum lok 5 Khul khua apăn bruă git gai Ping gah dêh čar tal 13 pơphun lơ 4/5 laih anun him lăng sui truh lơ 10/5, Khua git gai Ping gah ơi Nguyễn Phú Trọng brơi thâo, ngă tui Jơlan hơdră ngă bruă thun 2022 hăng Tơlơi pơtŏng glăi ƀơi mông Jơnum tal 21 Anom git gai bruă Ping gah dêh čar kơ pơgang pơgăn hưp ham kông ngăn, bruă ƀu klă, Ding jum kơđi čar jao kơ Anom git gai wai lăng bruă Ping gah dêh čar git gai ngă hrŏm hăng hơdôm anom bruă bơdjơ̆ nao ječ ameč, kơsem min, čih pơkra bruă akŏ pơdong Anom bruă gưl dêh čar git gai pơgang pơgăn hưp ham kông ngăn, bruă ngă ƀu klă. Mơng atơlơi pơgôp hiăp ngă kơčăo bruă, hơmâo abih bang 63/63 ping gah tơring čar ƀon prong tŭ ư hăng bruă akŏ pơdong Anom bruă gưl tơring čar git gai pơgang pơgăn hưp ham kông ngăn, bruă ngă ƀu klă. Khua git gai Ping gah ơi Nguyễn Phú Trọng kiăng Ping gah dêh čar sem lăng, pơgôp hiăp brơi hăng pơsit hơdôm tơlơi rơkâo đĭ lăi amăng Hră pơdah thâo mơng Ding jum kơđi čar, biă ñu bruă Akŏ pơdong Anom bruă gưl tơring čar git gai pơgang pơgăn hưp ham ƀong kông ngăn, bruă ngă ƀu klă đah mơng pơđĭ tui tơlơi git gai črâo bruă, ngă tui khut khăt, dưm kơnar mơng Ping gah gơnong dlông truh pơ plơi pla kơ bruă pơgang pơgăn bưp ham ƀong kông ngăn, bruă ngă ƀu klă mơng abih bang Ping gah, abih bang tơhan, abih bang mơnuih ƀon sang.

Siu H’Mai: Pơblang