VOV4.Jarai - Ngă tui tơlơi pơtrun mrô 24 mơng Jơnum min apăn bruă pơ ala mơnuih ƀon sang dêh čar kơ bruă djru brơi dong kơ mơnuih mă bruă tui Tơlơi pơtrun mrô 3 mơng Jơnum min apăn bruă pơ ala mơnuih ƀon sang dêh čar tal 15 hơmâo mơ-it hră pơ-ar djơ̆ hrơi pơkă. Yap truh mông anai, Prăk pơhlôm nua mơnuih mơnam mơng 63 boh tơring čar, ƀon prong hơmâo djru brơi rơbêh 243 rơbâo čô mơnuih mă bruă hăng mrô prăk lĕ 689 klai. Kiăng ngă tañ, tŭ yua hơdră djru tui Tơlơi pơtrun mrô 24, Khua prong Anom bruă pơhlôm nua mơnuih mơnam Việt Nam Nguyễn Thế Mạnh ječ ameč git gai hơdôm anom bruă, Anom prăk pơhlôm nua mơnuih mơnam djŏp tơring čar, ƀon prong kiăo tui tơlơi hơmâo sit, pok pơhai mrô prăk djru djơ̆ hăng akŏ bruă hơmâo jao; pơtrut tui tơlơi klă mơng măi mok djă pioh hră pơ-ar mơng Anom bruă anai. Rơngiao kơ anun, Anom bruă pơhlôm nua mơnuih mơnam Việt Nam kiăng gơñăm nao bruă pôr pơthâo kiăng abih bang mơnuih mă bruă hơmâo mơ-it laih hră pơ-ar dưi mă prăk djru djơ̆ hrơi pơkă, djơ̆ mrô prăk hăng abih bang mơnuih thâo.

Siu H’Mai: Pơblang