VOV4.Jarai - Hok mơ-ak čơkă hrơi ngă lơphet 91 thun hrơi Akŏ pơdong Khul hlăk ai mut phung Hồ Chí Minh (26/3), mơmot lơ 23/3, Hlăk ai mut phung rơnuk Hồ Chí Minh pơphun ngă lơphet pơpŭ bơni kơ khua hlăk ai rơgơi mơbruă, brơi pri Lý Tự Trọng thun 2022 kơ ƀing khua hlăk ai hăng hlăk ai rơgơi. 94 čô khua hlăk ai hăng hlăk ai tơdăm dra rơgơi mơbruă amăng dêh čar hơmâo mă pri Lý Tự Trọng lĕ ƀing hlăk ai ngă bruă rơgơi, hrăm rơgơi, ngă bruă hlăk ai, čơđai muai klă. Amăng anun, 27 čô lĕ khua hlăk ai gưl tơring glông, 49 čô lĕ khua hlăk ai să, hăng 18 čô lĕ khua hlăk ai plơi. Hrŏm hăng 11 čô hơmâo apah bơni lĕ mơnuih djuai ania ƀiă kah hăng djuai ania Tày, Thái, Dáy, Mường, H’Mông, Khmer, Mạ.

Siu H’Mai: Pơblang